Pakistanyň prezidenti ýurduň tire-taýpalar regionyny Haýber Puhtunhwa welaýatyna birikdirýän we regiondaky 5 million çemesi adama beýleki pakistanlylar bilen deň derejede hak-hukuk berýän kanuna gol goýdy.
Pakistanyň prezidenti Mamnun Hussain bu baradaky kanuna 31-nji maýda Yslamabatda gol goýdy.
Bu kanun taslamasy ilkibada Haýber Puhtunhwa welaýatynyň geňeşi, soňra-da parlamentiň aşaky we ýokarky öýleri tarapyndan kabul edilipdi.
Bu kanuna laýyklykda, Britaniýanyň kolonial häkimiýetinden bäri ýurduň demirgazyk-günbatar territoriýalarynyň “diskriminasiýa kanunlary” diýlip häsiýetlendirilýän häkimiýet esasynda dolandyrylmagy ýatyrylýar.
Pakistan 1947-nji ýylda Londondan öz garaşsyzlygyna eýe bolupdy.
FATA - Federal taýdan dolandyrylýan tire-taýpalar regionyna ýedi territorial düzüm, ýagny Bajaur, Dir, Haýber, Mohmand, Peýwar Kotal, Bolan Pass we Gomal girýär. Bu territorial düzümler Pakistanyň Owganystan bilen serhetleşýän daglyk regionynda ýerleşýär.
Pakistanyň premýer-ministri Şahid Hakan Abbasiniň ýolbaşçylygyndaky hökümet bäş ýyl möhletiniň tamamlanmagy netijesinde, 31-nji maýda resmi taýdan öz işini tamamlady.
Pakistanda parlament saýlawlarynyň 25-nji iýulda geçirilmegine garaşylýar.
halkara arbitraź suduna ber
21-25 dekabrdaky Ärdoganyñ 4 ministrinin ogullarnyñ òyunden millionlap dollar we yewro çykan wagty Ärdogan bilen Ogly Bilalyñ arasyndaky telefon gepleşigindede Ahmet Calygyñ ady geçyär. KakasyArdogan ogluna öydaki pullary nolla diyende 30 million Yewro Ahmet Çalyga beräyelimi diyya. Garaz Ogrylaryñ maşgalasyndan Ahmet Çalyk diyilyan adam. Hakyñyzy alyp bilmersinizmika diyyan.