Türkmenistan 2019-2021-nji ýyllarda BMG-niň Ykdysady we Durmuş Geňeşiniň agzalygyna saýlandy.
Bu karar 13-nji iýunda BMG-niň Baş Assambleýasynyň 72-nji sessiýasynyň 96-njy mejlisinde kabul edildi.
1946-njy ýyldan döredilen Ykdysady we Durmuş geňeşi (EKOSOS) BMG-niň esasy düzümi bolup, ykdysady we durmuş meselelerini ara alyp maslahatlaşmak hem-de agza döwletler üçin maslahatlary işläp taýýarlamak üçin merkezi forum bolup hyzmat edýär.
BMG-niň ähli serişdeleriniň 70 göterimden gowragy Geňeşiň ygtyýarynda diýip, TDH ýazýar.
54 döwletden durýan geňeş Baş Assembleýa tarapyndan üç ýyllyk möhlet bilen saýlanylýar.
EKOSOS-nyň işi ykdysady hem-de durmuş ösüşine,ilatyň ýaşaýyş-durmuş derejesini ýokarlandyrmaga, saglygy goraýyş, medeniýet we bilim ulgamlarynda hyzmatdaşlyga, adam hukuklaryna hem-de onuň esasy azatlyklaryna hormat goýmak üçin şertleri döretmäge ýardam bermekden ybaratdyr.
Türkmenistan bu geňeşe ýurtdaky ykdysady kynçylyklaryň barha çuňlaşýan, işsizligiň artýan we ilatyň durmuş-ýaşaýyş derejesiniň barha peselýän wagtynda kabul edildi. Emma muňa garamazdan, türkmen mediasy bu habary resmi Aşgabadyň halkara abraýynyň barha artmagy, prezident Gurbanguly Berdimuhamedowyň diplomatik strategiýasynyň üstünligi hökmünde düşündirýär.