Eýranly aýal-gyzlar soňky 40 ýylyň içinde ikinji gezek Futbol boýunça dünýä çempionatyna açyk bir ýagdaýda tomaşa etdiler. Emma, Eýranyň futbol boýunça ýygyndy topary Portugaliýa bilen geçiren duşuşygyndan soň, ýaryşdan çykdy.
Eýranly aýal-gyzlara öz toparynyň oýnuny Tähranyň Azadi stadionynda, monitorlar arkaly tomaşa etmäge rugsat berildi. Şol bir wagtda, käbir aşa dinçi ruhanylar aýallaryň oýunlara gatnaşmak gadagançylygynyň öz güýjünde galmagynyň tarapynda çykyş etdiler.
Eýranda 1979-njy ýylda amala aşyrylan Yslam rewolýusiýasyndan soň, aýal-gyzlara erkekleriň futbol duşuşyklaryna tomaşa etmegine gadagançylyk girizilipdi.
Eýranyň prezidenti Hassan Rohani ençeme ýagdaýda bu gadagançylygy tankytlapdy. Aýal-gyzlar futboly tomaşa etmäge goýberilse-de; bu gadagançylyk, dini ruhanylaryň muňa garşy çykmagy sebäpli, resmi ýagdaýda ýatyrylmady.
20-nji iýunda, haçanda Eýranyň we Ispaniýanyň futbol toparlary duşuşanda, eýranly aýal-gyzlara, 40 ýylyň içinde ilkinji gezek, oýuna stadionda tomaşa etmäge rugsat berildi.
Bilimdäki Korrupsiýa -açyk syr, muny bilmeýän ýok. Ondan diňe döwlet başyndaky adamlar, olaryň ýalta çagalary peýda görýär. Bilimdäki korrupsiýa ýurtda diktaturanyň berkemegine, uzak saklanmagyna hyzmat edýär. Bilimi, hünäri ýok, düşünjesi dar adamlar hakyny talap edip bilmeýär. Ýöne bu haksyzlygy - gulçulygy umumy halk köpçüligi goldaýar, ýagny çagalaryny okatman, para bilen diplom alyp berip, olary diktatura - şu günki emele gelen betbagçylyga direg-daýanç bolýarlar. Gysgaça, biz bu ýagdaýy özümiz döredýäris. Ýokardakylar biziň kömegimiz bolmasa bizi beýle uzak gul edinip bilmeýär.
Türkmenistanyň bilim siýasaty XXI asyr ylym bilim standartlaryna gabat gelenok