Sepleriň elýeterliligi

Soňky habar
Göni efirde

Saakaşwili Tbiliside gaýybana türmä höküm edildi 


Gürjüstanyň ozalky prezidenti Mihail Saakaşwili

Gürjüstanyň sudy ozalky prezident Mihail Saakaşwilini wezipesini hyýanatçylykly peýdalanmka günäli tapyp, gaýybana alty ýyl türme tussaglygyna höküm etdi.

Tbilisiniň şäher sudunyň 28-nji iýunda çykaran höküminde Saakaşwiliniň öz wezipesini 2005-nji ýylda oppozisiýadaky deputat Waleriý Gelaşwiliniň urlup-ýenjilmegine degişli subutnamany bassyr-ýussur etmek synanyşygynda ulanandygy aýdylýar.

Häzir Niderlandiýada ýaşaýan Saakaşwili bu sud hökümini ýazgaryp çykyş etdi we onuň syýasy äheňlidigini öňe sürdi.

“Men Waleriý Gelaşwiliniň urlup-ýenjilmeginde Kennedini we Trotskini öldürmekde günäkär bolşum ýaly günäli” diýip, ol Rustavi 2 TV-sine aýtdy. Şeýle-de ol özüniň gaýybana sud edilmegini "kanuna dahylsyz masgarabazlyk" hökmünde häsiýetlendirdi.

Saakaşwili ýanwar aýynda hem gaýybana sud edilip, üç ýyl türme tussaglygyna höküm edildi. Şonda ol gürji bankiriniň öldürilmegini bassyr-ýussur etmekde günäli tapylypdy. Ol bu aýyplamany hem ret etdi we onuň syýasy sebäplidigini aýtdy.

Iň soňky teswirler

Iň soňky teswirler
XS
SM
MD
LG