Sepleriň elýeterliligi

Soňky habar

Siriaýda Abu Bakr al-Bagdadiniň ogly öldürildi


Abu Bakr al-Bagdadiniň Siriýada, Yrak serhediniň golaýynda diri galandygy çaklanylýar.

“Yslam döwleti” ekstremist toparynyň lideri Abu Bakr al-Bagdadiniň ogly Siriýanyň Homs welaýatynda bolan söweş mahalynda öldürildi diýip, YD-nyň “Amak” propaganda agentligi 3-nji iýulda habar berdi.

Hudhaýfah al-Badri Homsdaky ýyladyş elektrik stansiýasynda “Nussaýriýýaha we ruslara garşy operasiýa mahalynda” öldürildi diýip, söweş ýaragyny göterip duran ýaş adamyň suraty bilen çap edilen beýanatynda aýdylýar.

Nussaýriýýah YD-nyň prezident Başar al-Assadyň alawiler dini azlygy babatda ulanýan terminidir.

YD söweşijileri, Siriýanyň we Orsýetiň, şeýle-de ABŞ goldawyndaky pitneçileriň geçen ýyl gören berk çärelerinden soň, Siriýada az möçberde saklanyp galýar. Ol häzir Siriýanyň territoriýasynyň üç prosentinden hem az ýere kontrollyk edýändir öýdülýär.

ABŞ we Yrak resmileri toparyň lideri Bagdadiniň Siriýada, Yrak serhediniň golaýynda diri galandygyna ynanylýandygyny aýdýarlar.

Iň soňky teswirler

New Comments Available
XS
SM
MD
LG