Sepleriň elýeterliligi

Soňky habar
Göni efirde

Gürjüstan: Kömür känindäki heläkçilikli wakada dört şahtaçy öldi


Gürjüstanyň Tkibuli sebitindäki Mindeli käninde işleýän şahtaçylar

Gürjüstanyň Içeri işler ministrligi ýurduň kömür känindäki tunelde üçegiň çökmegi netijesinde dört şahtaçynyň ölendigini we başga-da alty sanysynyň ýaralanandygyny aýdýar.

Ministrligiň beýanatynda bellenilmegine görä, bu heläkçilikli waka 16-njy iýulda Tbilisiniň 200 kilometr günbatarynda ýerleşýän Tkibuli sebitindäki Mindeli käninde boldy.

Maglumatda tuneliň çökmegine metan gazynyň partlamagy sebäp bolan ýaly bolup görünýär diýilýär.

Kömür käninde howpsuzlyk düzgünleriniň bozulandygyny ýa-da bozulmandygyny anyklamak boýunça derňewler geçirilýär diýip, ministrlik belledi.

Şu ýylyň aprel aýynda agzalýan kömür käninde bolan wakada alty şahtaçy öldi we başga-da üç sanysy ýaralandy.

Bu kömür käni “Sahnahşiri” atly gürji kompaniýasy tarapyndan dolandyrylýar.

Iň soňky teswirler

Iň soňky teswirler
XS
SM
MD
LG