Eýranyň prezidenti Hassan Rohani ABŞ-nyň prezidenti Donald Trampa Tährana garşy duşmançylykly syýahat ýöretmezlik barada maslahat berip, “Amerika Eýran bilen parahatçylykda bolmagyň ähli parahatçylygyň enesidigini, Eýran bilen uruşmagyň ähli uruşlaryň enesidigini” bilmeli diýdi.
"Jenap Tramp, şiriň guýrugyny oýnama, bu diňe ökünje alyp barar” diýip, resmi IRNA habar gullugy Rohaniniň 22-nji iýulda eýranly diplomatlaryň ýygnanyşygynda aýdan sözlerini sitirledi.
Tramp maý aýynda Birleşen Ştatlaryň 2015-nji ýylda Tähran bilen dünýäniň alty döwletiniň baglaşan ýadro ylalaşygyndan çykýandygyny we berk sanksiýalary gaýtadan girizýändigini yglan etdi. Bu çäre Eýran tarapyndan berk tankyt edildi.
Rohani bu basyşyň ýurtdaky milli bitewiligi berkidendigini aýtdy. “Biz öňküden has agzybir bolduk, haýbatlar bizi bir ýere jemleýär” diýip, Rohani aýtdy. “Biz Amerikany gürrüňsiz ýeňeris” diýip, ol sözüniň üstüni ýetirdi.
Şeýle-de ol Birleşen Ştatlary ruhanylar gurluşyny “agdarmak” we ýurtda bölünişik döretmek üçin işlemekde aýyplady.
Azatlygyň bu habaryndan soň düzelmezmikä?!