Sepleriň elýeterliligi

Soňky habar

Moskwadaky protestlerde tussag edilen Nawalnynyň kömekçisi boşadyldy


Protest aksiýasy, Moskwa, 29-njy iýul, 2018.

Orsýetiň hökümetiniň raýatlaryň pensiýa ýaşyny galdyrmak planyna garşy 29-njy iýulda Moskwanyň merkezinde müňlerçe adamyň gatnaşmagynda geçirilen protest aksiýasynda polisiýa tarapyndan tussag edilen üç adam, şol sanda Orsýetiň oppozisiýa lideri Alekseý Nawalnynyň baş kömekçisi boşadyldy.

Nawalnynyň Orsýetiň geljegi atly partiýasynyň başlygy Sergeý Boýko "administratiw düzgün bozmalar barada protokolyň" düzülmeginden soň özüniň tussaglykdan boşadylandygyny, diňlenişigiň 2-nji awgusta bellenendigini Twitter arkaly habar berdi.

Boýko birnäçe sagatdan soň Twitter hasabynda özüniň, oppozision syýasatçynyň kömekçisi Oleg Stepanowyň we ýörişiň guramaçysy Mihail Çiçkowyň 29-njy iýulda tussaglykda oturan wagtynda düşürilen suratyny ýerleşdirdi.

Stepanow Twitter hasabynda çap eden maglumatynda özüniň "Putin ogry" diýip gygyran şygarynyň ýörişiň temasyna gabat gelmeýändigi üçin tussag edilendigini we munuň protokolda görkezilendigini ýazdy.

Iň soňky teswirler

Iň soňky teswirler
XS
SM
MD
LG