Sepleriň elýeterliligi

Soňky habar
Göni efirde

Rus sudy inguşystanlyny terrorizm aýyplamalarynda günäli tapdy


Abdul-Malik Albakçiýewe dokuz ýyl türme tussaglygy berildi.

Rus sudy Demirgazyk Kawkazyň Inguşystan respublikasynyň bir ýaşaýjysyny terrorizm aýyplamalarynda günäli tapyp, türme tussaglygyna höküm etdi.

Rostow-na-Donu regionynyň sudy Abdul-Malik Albakçiýewi Siriýada “Yslam Döwleti” ekstremistik toparynyň hatarynda söweşmekde we bikanun ýarag gaçakçylygynda günäli tapdy. Oňa dokuz ýyl türme tussaglygy berildi.

Sud resmileri Albakçiýewiň 2015-nji ýylyň martynda, Siriýadan Russiýa dolanyp gelenden soň tussag edilendigini mälim etdiler. Rus resmileri onuň Siriýa hökümetine garşy söweşendigini aýtdylar.

Albakçiýew özüniň günäsizdigini belledi.

XS
SM
MD
LG