Ýaponiýanyň esasy nebit kärhanasy öňümizdäki aý eýran nebitiniň importyny togtatmaga taýýarlanýar diýip, Ýaponiýanyň habar serişdeleri maglumat berdiler.
Aýdylmagyna görä, bu ABŞ-nyň Tährana garşy girizen sanksiýalary we olaryň Eýran bilen hyzmatdaşlyk edýän kärhanalara garşy hem girizilip bilinjekdigi bilen bagly.
Prezident Donald Tramp maý aýynda ABŞ-ny 2015-nji ýyldaky Tähranyň Ýadro ylalaşygyndan çykarypdy we dessine Eýrana garşy sanksiýalar girizip başlapdy.
Waşington noýabryň başynda Eýranyň nebit we bank pudaklaryna garşy sanksiýalaryň giriziljekdigini hem mälim etdi.