Eýranyň Yslam Rewolýusion gwardiýasy ýurduň günorta-gündogaryndaky Sistan-Balujystan welaýatynda, Pakistanyň golaýyndaky “Sarawan” serhet geçelgesinde dört söweşijiniň öldürilendigini aýdýar.
28-nji sentýabrda Eýranyň resmi mediasynda çap edilen beýanatda agzalýan gwardiýa “eýran güýçleri dört terroristi öldürdi we başga-da iki sanysyny ýaralady” diýýär.
“Terrorist toparyň beýleki agzalary goňşy döwlete gaçyp gitdi’ diýlip, beýanatda toparyň “dünýäniň tekepbir häkimiýeti” bilen ilteşiklidigi aýdylýar.
Sistan-Balujystan welaýatynda Eýranyň howpsuzlyk güýçleri söweşijiler we neşe gaçakçylary bilen yzygiderli çaknyşýar. Bu welaýat owgan gök narynyň we geroininiň kontrabanda ýollar arkaly geçirilýän ugrunda ýerleşýär.
metbugat näme, hökümet näme, habar näme, gybat näme, propaganda näme, adamlar näme üçin hökümetini depesine çykarýar, nädip döwlet başyndakylar uly ogurlyk edýär, bu zatlary hiç zat okamýan, okan zadyna düşünmeýän, öz borjuny bilmeýän, dünýä özüne bergilidir öýdüp, başgalara gaharlanyp ýören adamlara näme düşündirip bolar?