Ukrainanyň korrupsiýa garşy derňew geçirýän sülçüleri ýokary derejeli aňtaw resmisiniň bikanun baýandygy barada aýdylýanlary derňemäge başlady. Aýdylmagyna görä, ol resminiň maşgalasynyň millionlarça dollara durýan üç willasy bar.
Ukrainanyň korrupsiýa garşy býurosynyň direktory Artýem Sitnik 3-nji oktýabrda Kiýewdäki žurnalistlere öz agentliginiň Ukrainanyň daşarky aňtaw gullugynyň başlygynyň orunbasary Serhiý Semoçkonyň garşysyna derňew işini açandygyny aýtdy.
Bu jenaýat derňewi telewideniýede berlen derňew habaryndan soň açyldy.
“Biziň pulumyz” atly telewision programmada Semoçkonyň maşgalasynyň Kiýewiň alkymynda gymmatbaha jaýlarynyň bardygy we olaryň juda baý ýaşaýandygy, onuň garyndaşlarynyň käbiriniň rus we ukrain goşa raýatlygynyň bardygy hakynda gepleşik efire berildi.