BMG-niň derňewçileri Ýemeniň kenarlarynda ABŞ-nyň harby-deňiz güýçleri tarapyndan ele geçirilen AK-47 kysymly 2 müň 500 ýaragyň haýsy ýurtdan, ýagny Eýrandan ýa-da Somaliden ugradylandygyny anyklaýarlar.
ABŞ resmileri Eýranyň Ýemeniň hökümetine garşy söweşýän huthi jeňçilerini ýaraglar bilen üpjün edýändigi baradaky çaklamalary anyklamak üçin, BMG-niň derňewçilerini çagyrandyklaryny mälim etdiler.
Eýran Ýemende hökümete garşy dört ýyl bäri söweşýän şaýylaryň huthi jeňçilerini ýarag bilen üpjün edendigi baradaky aýyplamalary ret edip gelýär.