Facebook sosial ulgamy Eýrandan dolandyrylyp, syýasy bölünişik meselelerini gozgaýan hasaplaryň öçürilendigini aýtdy. Maglumata görä, bu hasaplaryň Britaniýada we ABŞ-da millionlarça yzarlaýjasy bolupdyr.
Sosial ulgam läheňi Facebookdan we Instagramdan 82 “galp” hasabyň öçürilendigini aýtdy.
Facebook öçürilen hasaplaryň ABŞ-da 6-njy noýabrda geçirilmeli kongres saýlawlarynyň öňüsyrasynda jynsparazlyk, migrasiýa, ABŞ-nyň prezidenti Donald Tramp ýaly meseleleri gozgap, “bölünişigi ornaşdyrmagy” maksat edinendiklerini belledi.
Facebook hasaplaryň arasyndaky koordinirlenen hereketlere geçen hepde üns berendigini we olaryň öňüni almak ugrunda dessine çäre görendigini aýtdy.