Eýranyň parlamenti ýurduň täze dört ministrini tassyklady.
Resmileriň ählisiniň kandidaturasy prezident Hassan Rohani tarapyndan oňlandy. Ol täze ministrlere ýüzlenip, Tährana garşy sanksiýalary ýaňadandan girizýän ABŞ-a “garşy durmaga” hemaýat bermäge çagyrdy.
Eýranyň parlamenti şenbe güni geçirilen ses berilişikde ýurduň zähmet, maliýe, senagat we transport ministrlerini saýlady.
Prezident Donald Tramp maýda ABŞ-ny 2015-nji ýylda baglaşylan Ýadro ylalaşygyndan çykaranyndan soň, Waşington Tährana garşy girizen sanksiýalaryny täzeden dikeldip başlady.