Orsýetiň Başgyrdystan awtonom respublikasynyň sudy regionyň paýtagty Ufada üç polisiýa ofiserini tussag etmegi buýurdy, olar öz kärdeşlerini zorlamakda güman edilýär.
Ufanyň Kirow etrap sudy 2-nji noýabrda Ufa we Karmaskaly etraplarynyň polisiýa başlyklaryny we Ufanyň migrasiýa bölüminiň başlygyny 31-nji dekabra çenli deslapky tussaghanada saklamaly etdi. Bu üç resmi Ufanyň polisiýa bölüminde derňewçi bolup işleýän 23 ýaşly aýaly zorlamakda güman edilýär.
Başgyrdystanyň Içeri işler ministrligi 1-nji noýabrda adam zorlamakda güman edilýän üç resminiň wezipelerinden boşadylandygyny yglan etdi.