ABŞ bilen Günorta Koreýanyň bilelikdäki kiçi göwrümli harby türgenleşikleri başlady. Bu ABŞ-yň döwlet sekretary Maýk Pompeonyň Demirgazyk Koreýanyň resmileri bilen Nýu-Ýorkda planlaşdyrylan duşuşygyndan birnäçe gün öň bolup geçýär.
Bu ozal planlaşdyrylan has uly harby-türgenleşikleriň bir bölegidir. Iýun aýynda prezident Donald Tramp Singapurda Demirgazyk Koreýanyň lideri Kim Jong Un bilen geçiren sammitinden soň, ABŞ-Günorta Koreýa bilelikdäki harby türgenleşikleriniň geçirilmejekdigini söz beripdi.
Iki ýurduň arasyndaky giň göwrümli harby türgenleşikler togtadylsa-da, Waşington bilen Seul özara kiçi gerimli manýowrlary gurnaýarlar.
Häzirki türgenleşiklere ABŞ-nyň we Günorta Koreýanyň 500-e golaý harby-deňiz güýçleri gatnaşýar.
Bu aralykda, Günorta Koreýanyň goranmak ministri 2019-njy ýylda uly gerimli harby türgenleşikleriň geçirilip-geçirilmezligi baradaky kararyň şu ýylyň aýagyna çenli belli ediljekdigini aýtdy.
ABŞ-nyň döwlet sekretary Maýk Pompeo öňümizdäki günlerde özüniň demirgazyk koreýaly kärdeşi Kim Jon Çol bilen duşuşyp, Phenýanyň denuklerizasiýa planlarynyň we iki ýurduň liderleriniň nobatdaky sammitini geçirmek mümkinçilikleriniň maslahat ediljekdigini aýtdy.
Tejende wifi gowy işlenok köseýär!.
Bir tarapdan siziň maglumatlaryňyz kimdir birine peýda getirýär, emma beýleki bir tarapdan bolsa zyýan getirýär. Ynha, siziň habarçylaryňyz aldygyna maglumat baryny ugratdylar mekdeplerde okuwçylardan pul ýygnanýanlygy barada. Indi biz mugallymlar okuwçylardan ýygnan 50, 80 manat aralygyndaky pullary yzyna gaýtaryp berdik. Netijede bolsa, öz hasabymyza 4000-5000 manat jübimizden çykaryp, mekdebi remont etmeli bolduk. Eger gaýratyňyz bolsa, bizede ýardam ediň. Biziň tutuş bir aýlyk hakymyzy çagalarymyzyň agzyndan kesip bermäge ýagdaýymyz ýok. Goý, Gorono diýdi, bilim ministrligi diýdi, olar öz hasaplaryna remont etsinler mekdepleri. Ýa-da siziň habarçylaryňyz peşeden pil ýasap, bize zyýan getirmesinler. Bir maşgaladan tutuş ýylyň dowamynda 80 manat bilim alýan ojagyna pul çykarmak ullakan bir çökder zat däl ahbeti. Olaryň käbirleriniň kakasy günde 30-40 manady araga-çilime-de oklap dur. Ýardamyňyzy bize-de ýetiriň. Gaýrat ediň.