Gyrgyzystanyň günorta Batken sebitinde ýerli baş prokuror aw mahaly öldürildi.
Ýerli polisiýa resmileriniň Azatlyk Radiosyna beren maglumatyna görä, Anarbaý Mamajakypow welaýat merkezi Batkeniň etegindäki daglyklarda aw edýän pursady, atylyp öldürilipdir.
Polisiýa 43 ýaşly prokurory atmakda aýyplanyp gurluşyk boýunça ýerli direktoratyň başlygynyň tussag edilendigini mälim etdi.
Mamajakypow bilen awda bile bolan prokuraturanyň ýene alty resmisi derňewçiler tarapyndan sorag edilýär.