Halkara polisiýa agentliginiň, ýagny Interpolyň täze ýolbaşçysynyň saýlanmagy ugrundaky ses berilişigiň öňüsyrasy, ABŞ-nyň senatorlary we beýlekiler bu wezipä Russiýanyň Içeri işler ministrligindäki ýokary derejeli bir resmisiniň saýlanmagyna garşy duýduryş berdiler.
Britan mediasynda bu wezipä uly ähtimallyk bilen 56 ýaşly general-maýor Aleksandr Prokopçugyň saýlanmagynyň mümkindigi barada maglumatlar peýda boldy. Mundan öň, Moskwanyň Interpolyň proseduralaryny özüniň syýasy duşmanlaryny yzarlamak üçin ulanýandygy barada aýyplamalar orta atylypdy.
Polisiýa başlyklarynyň 21-nji noýabrda Dubaýda ýygnanyp, agentligiň täze başlygyny saýlamagyna garaşylýar.
Ses berilişigiň öňýany, Ukraina eger-de agentligiň başlyklygyna Prokopçuk saýlansa, onda öz ýurdunyň agzalygyny togtatmak ugrunda tagalla etjekdigine söz berdi.
Duşenbede ŞHG nädip gatnaşdy onda? Soňra döwlet münberini nädip açdy? Dwoýnigimi?))))