Orsýetiň Daşary işler ministrligi, öz sözleri bilen aýdylanda, Germaniýanyň we Fransiýanyň Orsýetde saklanylýan ukrain esgerlerini boşatmak baradaky kabul ederliksiz talaplaryny ret etdi.
Rus DIM-niň 29-njy dekabrdaky beýanaty german kansleri Angela Merkeliň we fransuz prezidenti Emmanuel Makronyň 28-nji dekabrdaky beýanatlarynyň yz ýanyna gabat gelýär.
Orsýet geçen aý Gara deňiz bilen Azaow deňzini bir-birine baglaýan Kerç aýlagynyň golaýynda gämileri bilen bile tussag edilen 24 ukrain deňizçisini goýbermän saklaýar.
Moskwa bu gämileriň 2014-nji ýylda Orsýet tarapyndan basylyp alnan we Ukrainadan anneksiýa edilen Krymyň golaýyndaky rus territorial suwlaryna bikanunyn girendigini öňe sürýär.
Ukraina we BMG-a agza döwletleriň köpüsi bu anneksiýany ykrar etmeýär.
ÝB we ABŞ Orsýetiň bu hereketleriniň bikanundygyny aýdyp, Moskwany gämileri we olaryň ekipažyny derhal Ukraina gaýtaryp bermäge çagyrdylar.