Sepleriň elýeterliligi

Soňky habar
Göni efirde

Putin bilen ilteşikli oligarh Rotenberg korrupsiýa garşy tenderde ýeňiji boldy


Arkadiý Rotenberg

Rus milliarderi Arkadiý Rotenbergiň eýeçiligindäki kompaniýa raýat jemgyýetini we korrupsiýa garşy göreşi ösdürmek tälimleri üçin döwlet serişdesi bilen sylaglandy.

Rus mediasynyň jemgyýetçilik döwlet-tender dokumentlerine salgylanyp, 11-nji ýanwarda habar bermegine görä, Rotenbergiň “Granat” kompaniýasyna bu temadan tegelek stol söhbetdeşliklerini, jemgyýetçilik maslahatlaryny we konferensiýalary geçirmek üçin 46 million rubl ($688,000) serişde berildi.

Rotenberg rus prezidenti Wladimir Putiniň çagalyk dosty we ozalky dzýudo partnýory hökmünde tanalýar.

Putin 2000-nji ýylda prezident bolandan soň, Rotenberg döwlet kontrollygyndaky “Rosspirtprom” kärhanasynyň başlyklygyna bellendi.

Soňra ol öz kontrollyk edýän kompaniýalaryny köpeldip, döwlet eýeçiligindäki “Gazprom” kompaniýasyna turba satmak bilen öz baýlygynyň möçberini has-da köpeldi.

Korrupsiýa garşy göreşýän aktiwistler, şol sanda oppozision şahsyýet Alekseý Nawalnyý Rotenbergiň firmalarynyň “Gazproma” göz-görtele artykmaç nyrh kesýändiklerini öňe sürýär.

Şeýle-de Rotenberge Orsýetiň federal uly ýollaryny gurmak, okuw kitaplaryny çap etmek, 2014-nji ýylda Soçide geçirilen Gyşky Olimpiýa oýunlarynyň desgalaryny gurmak ýaly işler ynanyldy.

Iň soňky teswirler

Iň soňky teswirler
XS
SM
MD
LG