ABŞ-nyň prezident Donald Trampyň uzak wagtlyk ýarany Roger Stone Federal derňew býurosy, FBI tarapyndan tussag edildi, ol ýörite geňeşçi Robert Molleriň (Robert Mueller) Orsýet derňewi boýunça ýedi jenaýata ilteşiklilikde aýyplanýar.
Stone FBI agentleri tarapyndan 25-nji ýanwarda geçirilen operasiýa mahalynda daňdan, günorta Floridanyň Fort Lauderdale şäherindäki öýünde tussag edildi.
CNN bir agentiň onuň gapysyny kakyp, "FBI. Gapyny aç!” diýip gygyryp duran pursatyny görkezdi.
Floridada sud öňüne çykarylandan soň, Stone $250,000 girew astynda azatlyga goýberildi.
Onuň aklawçysy Grant Smith öz müşderisiniň bildirilen aýyplamalara garşy“aýgytly” göreşjekdigini aýtdy.