Sepleriň elýeterliligi

Soňky habar

Hameneýi: ‘Amerika ölüm” şygary amerikan halkyna däl, Trampa gönükdirilýär


Eýranyň ýokary ruhany lideri Aýatollah Ali Hameneýi

Eýranyň ýokary ruhany lideri Aýatollah Ali Hameneýi “Amerika ölüm” şygarynyň amerikan halkyna däl-de, Birleşen Ştatlaryň prezidenti Donald Trampa we kararlary kabul edýän beýleki amerikan şahsyýetlerine gönükdirilendigini aýtdy.

“‘Amerika ölüm’ şygary Trampa, [Milli howpsuzluk boýunça maslahatçy] John Boltona we [döwlet sekretary Mike] Pompeo ölüm diýmegi aňladýar. Bu Amerikany dolandyryjylara ölüm diýmegi aňladýar” diýip, Hameneýi 8-nji fewralda aýtdy.

Ol bu barada 1979-njy ýyldaky rewolýusiýanyň 40 ýyllygyny belleýän Eýranyň Harby howa güýçleriniň ofiserleriniň ýygnagynda çykyş etdi.

Bu şygar Eýranyň döwlet guramaçylygyndaky ýörişlerinde, çärelerinde, şol sanda juma namazy bilen bagly geçirilýän doga-dileglerde yzygiderli seslendirilýär.

“Bu şol ýurdy dolandyrýan birnäçe adama ölüm diýmegi aňladýar. Biziň amerikan halkyna hiç hili garşylygymyz ýok” diýip, Hameneýi aýtdy.

XS
SM
MD
LG