Gazagystanyň iki iri şäherinde awtoritar prezident Nursoltan Nazarbaýewiň häkimiýet başyndaky partiýasynyň binalarynyň daşynda geçirilen protestleriň dowamynda polisiýa ençeme demonstranty saklady.
Paýtagt Astanada we ýurduň iň iri şäheri Almatyda geçirilen protestlerde onlarça demonstrant Nazarbaýewiň häkimiýetden çekilmegine çagyryş etdiler. Nazarbaýew Gazagystana Sowet Soýuzy darganyndan, ýagny 1991-nji ýyldan bäri ýolbaşçylyk edip gelýär.
Protestçiler hökümeti adaty adamlaryň meselelerine we mätäçliklerine üns bermezlikde aýypladylar.
4-nji fewralda Astanada bir binanyň ot almagy netijesinde bir maşgalanyň bäş çagasynyň ölmeginden soň, ençeme hepde bäri ýurduň dürli künjeklerinde protestler geçirilýär.