Sepleriň elýeterliligi

Soňky habar
Göni efirde

Hukuk toparlary täjik aktiwistiň dessine azat edilmegine çagyrýarlar


Muhammadali Hayit. 2017 ý.

“Human Rights Watch” we adam hukuklaryna gözegçilik edýän başga-da sekiz gurama täjik hökümetine ýüzlenip, tussaglykda gynamalara sezewar edilýändigi aýdylýan ýarawsyz syýasy aktiwisti dessine azatlyga goýbermäge çagyrdylar.

Muhammadali Haýidiň aýaly 9-njy martda tussaglykdaky adamsyny görmäge baranda, Haýit “kellesindäki we garnyndaky ýaralary” görkezipdir. Maglumata görä, Haýit “kameranyň öňünde daşary ýurtdaky täjik oppozisiýa wekillerini garalamakdan ýüz öwüreninden soň, türme sakçylary ony ýenjip jezalandyrypdyrlar”.

Sawrinisso Jurabekowanyň hukuk toparlaryna beren maglumatyna görä, türmede onuň adamsyna degişli medisina kömegi berilmeýär. Juranbekowa ýan-ýoldaşynyň dowamly urgular sebäpli türmede ölmeginiň mümkindigini hem sözüne goşdy.

62 ýaşly Haýit 2015-nji ýylyň sentýabrynda tussag edilip, 2016-njy ýylyň iýunynda ömürlik türme tussaglygyna höküm edilipdi. Hukuk toparlary oňa bildirilen aýyplamalaryň syýasy matlaplara esaslanandygyny aýdýarlar.

Haýit gadagan edilen “Täjigistanyň Yslam Galkynyş Partiýasynyň” başlygynyň orunbasarydy. Partiýa 2015-nji ýylda terroristik topar diýlip ykrar edildi. Mundan öň, täsirli partiýanyň täjik hökümetinde we parlamentinde wekilleri hem bolupdy.

Şondan bäri, partiýanyň agzalarynyň we tarapdarlarynyň onlarçasy yzarlandy we tussag edildi.

Iň soňky teswirler

Iň soňky teswirler
XS
SM
MD
LG