Müňlerçe alžirli demonstrant paýtagt Alžirde 82 ýaşly prezident Abdelaziz Bouteflikanyň häkimiýetiniň tamamlanmagyny talap edip, protest geçirýärler.
22-nji martda protestçiler, ýagyşly howa hem garamazdan, paýtagt Alžiriň esasy meýdançalarynda toplanyp, Bouteflika we tutuş hökümete garşy şygarlary gygyrdylar.
Protestler 22-nji fewralda başlanyp, olar her anna güni geçirilýär.
Daşary ýurtly diplomatlaryň maglumatyna görä, “millionlarça” alžirli Bouteflikanyň 20 ýyllyk häkimiýetini uzaltmak planlaryna garşy ýöriş geçiripdir.
Bouteflika 1999-njy ýyldan bäri Alžire prezidentlik edýär. Geçen hepde ol aprelde geçirilmeli umumy saýlawlary näbelli wagta çenli yza süýşüripdi.
Bouteflikanyň tankytçylary bu hereket bilen onuň häkimiýet başynda ömürlik galmak isleýändigini aýdýarlar.