Pakistanyň premýer ministri Imran Han Hindistanyň fewraldaky harby gapma-garşylyk mahalynda Pakistanyň F-16 uçaryny urup ýykdym diýýäniniň “ýalandygy” subut edildi diýdi.
Birleşen Ştatlarda ýerleşýän “Foreign Policy” žurnaly 4-nji aprelde hasabat çap edip, ABŞ resmileriniň “Pakistanyň söweş uçarlarynyň ählisi öz ornunda” diýen sözlerine salgylandy.
“Hakykat hemişe aýan bolar we bu iň gowy syýasat” diýip, Han 6-njy aprelde twitterde ýazdy.
Han “galp beýanatlaryň” Hindistanyň premýer-ministri Narenda Modiniň hökümetiniň “uruş dowluny gamçylamak arkaly” gelýän saýlawlarda ýeňiş gazanmak synanyşygy bolandygyny aýtdy.
Hindistan 11-nji aprelde umumy saýlawlary geçirýär.
Hindistanyň Howa güýçleri “Foreign Policy” žurnalynyň hasabatyny ret etdi we özlerinde Pakistanyň urlup ýykylan F-16 uçary barada subutnamanyň bardygyny aýtdy.