Sepleriň elýeterliligi

Soňky habar
Göni efirde

Orsýetde ýokarlandyrylan salgytdan soň ykdysady ösüş peseldi


Rosstat 17-nji maýda jemi içerki önüm ösüşiniň 2019-njy ýylyň başky üç aýynda 0.5% bolandygyny aýtdy

Orsýetiň ykdysadyýeti birinji çärýekde kesgin aşak gaçdy, hökümet bu ýagdaýy goşmaça gymmat salgydynyň köpeldilmeginden soň sarp edijileriň talabynyň peselmeginden görýär.

Orsýetiň statistika gullugy Rosstat 17-nji maýda jemi içerki önüm ösüşiniň 2019-njy ýylyň başky üç aýynda, geçen ýylyň degişli döwri bilen deňeşdirilende, bary-ýogy 0.5% bolandygyny aýtdy.

Bu 2017-nji ýylyň aýagyndan bäri iň pes görkeziji bolup durýar, şol wagt jemi içerki önümiň ösüşi 0.3% bolupdy.

Ykdysadyýet ministrligi mundan öň JIÖÖ-niň bu çärýekde 0.8 prosent boljagyny çaklapdy. Merkezi bank bolsa ondan hem gowy çaklama edip, JIÖ ösüşiniň 1.5 prosent boljagyny öňe sürdi.

Bu maglumat çap edileninden soň, Ykdysadyýet ministrligi haýallama garaşylandygyny, munuň goşmaça salgydyň 18 prosentden 20 prosente çenli artdyrylmagy netijesinde sarp edijileriň talabynyň peselmegi bilen baglydygyny aýtdy.

Prezident Wladimir Putin geçen ýyl goşmaça gymmat salgydyny 2019-njy ýylyň 1-nji ýanwaryndan ýokarlandyrmak baradaky karara gol çekdi. Hökümetiň bir tarapdan goşmaça gymmat salgydyny artdyrmak, beýleki tarapdan pensiýa çykmak ýaşyny ýokarlandyrmak teklipleri rus jemgyýetçiliginde gahar-gazaba hem-de Putiniň we onuň dolandyryjy partiýasynyň meşhurlyk derejesiniň peselmegine alyp geldi.

Iň soňky teswirler

Iň soňky teswirler
XS
SM
MD
LG