Moskwa sudy ABŞ-nyň ozalky deňiz-pyýada goşun esgeri Pol Wilanyň (Paul Whelan) deslapky tussaghanada saklanmak möhletini uzaltdy, aýyplanýan bu jenaýat işiniň syýasy sebäplidigini we ABŞ-nyň sanksiýalary üçin ar alyşdygyny aýtdy.
Lefortovwo etrap sudy 24-nji maýda Wilanyň aklawçysynyň ony öý tussaglygyna geçirmek baradaky haýyşyny ret etdi we deslapky tussaglyk möhletini 29-njy awgusta çenli uzaltmak kararyny çykardy.
ABŞ-nyň, Irlandiýanyň, Kanadanyň we Britaniýanyň raýaty bolan Wilan 28-nji dekabrda Moskwada tussag edilip, içaylyçylykda aýyplandy. Bu aýyplamany ret edýän Wilan günäli tapylsa, 20 ýyla çenli türme tussaglygy bilen ýüzbe-ýüz bolar.
Ol sud diňlenişigi mahalynda bu işi derňeýän Alekseý Kižnýagyň haýbat atýandygyny we mertebesini kemsidýändigini aýtdy hem-de onuň çalşyrylmagyny talap etdi.
“Ol meniň mertebämi kiçeldýär we ömrüme wehim salýar” diýip, Wilanyň Moskwaday suda aýdandygy habar berildi.
Wilanyň maşgalasy onuň bigünädigini we Moskwa toýa gatnaşmak üçin gidendigini aýdýar.