Bagdatdaky sud iki sany fransuz raýatyna “Yslam döwleti” ekstremist toparynyň agzasy bolandygy üçin ölüm hökümini çykardy diýip, prokurorlar 2-nji iýunda aýtdylar.
Bu hökümler soňky iki hepdede ölüme höküm edilen fransuz raýatlarynyň jemi sanyny dokuza ýetirýär.
Bu adamlar Siriýanyň ABŞ goldawyndaky Demokratik güýçleri tarapyndan goňşulykdaky Siriýada tussag edilen we ýanwarda Yraga berlen topara degişli. Olaryň arasynda 12 sany fransuz raýaty hem bardy.
Fransiýa bu topary Yrakda jezalandyrylyp öldürilmekden alyp galmak üçin ähli tagallany etjekdigini aýtdy.
“Human Rights Watch” guramasy yrakly sülçüleri “dürli adam gynamak usullaryny” ulanmakda günäledi.