Sepleriň elýeterliligi

Soňky habar

Şweýsariýa Gülnara Kerimowa degişli $133 millionyň Özbegistana iberiljegini aýdýar


Gülnara Kerimowa

Özbegistanyň merhum prezidentiniň gyzyna dahyllydygy aýdylýan 1 milliard dollar gowrak serişdäniň ykbaly üstünde barýan halkara çekeleşiginiň çäginde Şweýsariýa Gülnara Kerimowa bilen baglylykda konfiskasiýa edilen $133 million dollary Özbegistana iberjekdigini aýdýar.

Bu karar 24-nji iýunda, martdan bäri Daşkentdäki türmede saklanylýan Kerimowanyň adaty bolmadyk bir adamlyk şikaýatyndan bir gün soňra yglan edildi.

Gülnara Kerimowa öz gyzynyň instagram sahypasynda çap edilen şikaýatynda Özbegistanyň häzirki prezidentinden özüne rehimdarlyk edilmegini soraýar.

Şeýle-de ol öz aklawçylaryna 686 million dollar möçberinde doňdurylan emlägi üçin kanuny tagallalary togtatmagy buýrandygyny aýtdy.

Bu emläk esasan şweýsar bank hasaplarynda saklanylýandyr öýdülýär.

Bu beýanatyň asyl nusgadygy onuň şweýsar aklawçylarynyň biri tarapyndan tassyk edildi.

Iň soňky teswirler

Iň soňky teswirler
XS
SM
MD
LG