1-nji iýulda Owganystanyň paýtagtynda ýaragly adamlaryň we polisiýa wekilleriniň arasynda bolan söweşiň yzýany bolan partlamada azyndan bir adam wepat boldy we 100-den gowrak adam ýaralandy. Bu barada resmiler aýdýarlar.
Iki gün mundan öň Katarda ABŞ bilen Owganystandaky urşy tamamlamak barada gepleşikleriň täze tapgyryna başlan "Talyban" Kabulda bolan bu hüjüme özüniň jogapkärdigini aýtdy.
Owganystanda 18 ýyl bäri dowam edýän konflikt ýurduň taryhyndaky iň uzak uruş hasaplanylýar.
Kabuldaky partlama Puli Mahmood Han etrabynda günüň iň gyzgalaňly pursadynda bolup, töwerekde 2 kilometr uzaklykda ýerleşýän binalary sarsdyrdy diýlip, media maglumatlarynda aýdylýar.
Ýurduň Saglyk ministrliginiň metbugat wekili Wahidullah Mayar bir adamyň wepat bolandygyny we 93 adamyň, şol sanda 9 çaganyň ýaralanandygyny AÝ/AR-na aýtdy.
Şol bir wagtda-da, Bilim ministrliginiň metbugat wekili Nooria Nažat partlamanyň bolan ýeriniň golaýynda ýerleşýän iki mekdepde 51 çaganyň ýarylan aýnalaryň döwüginden ýaradar bolandygyny habar berdi.
Polisiýanyň aýtmagyna görä, bomba Goranmak ministrliginiň golaýynda partlapdyr.
Tejende wifi gowy işlenok köseýär!.
Bir tarapdan siziň maglumatlaryňyz kimdir birine peýda getirýär, emma beýleki bir tarapdan bolsa zyýan getirýär. Ynha, siziň habarçylaryňyz aldygyna maglumat baryny ugratdylar mekdeplerde okuwçylardan pul ýygnanýanlygy barada. Indi biz mugallymlar okuwçylardan ýygnan 50, 80 manat aralygyndaky pullary yzyna gaýtaryp berdik. Netijede bolsa, öz hasabymyza 4000-5000 manat jübimizden çykaryp, mekdebi remont etmeli bolduk. Eger gaýratyňyz bolsa, bizede ýardam ediň. Biziň tutuş bir aýlyk hakymyzy çagalarymyzyň agzyndan kesip bermäge ýagdaýymyz ýok. Goý, Gorono diýdi, bilim ministrligi diýdi, olar öz hasaplaryna remont etsinler mekdepleri. Ýa-da siziň habarçylaryňyz peşeden pil ýasap, bize zyýan getirmesinler. Bir maşgaladan tutuş ýylyň dowamynda 80 manat bilim alýan ojagyna pul çykarmak ullakan bir çökder zat däl ahbeti. Olaryň käbirleriniň kakasy günde 30-40 manady araga-çilime-de oklap dur. Ýardamyňyzy bize-de ýetiriň. Gaýrat ediň.