Sepleriň elýeterliligi

Soňky habar

Owganystanda bolan birnäçe hüjüm zerarly 50-den gowrak adam wepat boldy


Partlamanyň netijeleri, Kabul, 25-nji iýul, 2019

Owganystanda 18 ýyl bäri dowam edýän urşy soňlamak boýunça parahatçylyk ugrundaky tagallalaryň gaýtadan güýçlenen wagtynda ýurduň birnäçe ýerinde bolan hüjümlerde 50-den gowrak adam wepat boldy.

Kabulyň gündogar böleginde 25-nji iýulda bolan bomba partlamasynda azyndan 10 adam wepat boldy we 41 adam ýaralandy diýip, resmiler aýdýarlar.

Owganystanyň Saglyk ministrliginiň metbugat-wekili Wahidullah Mayaryň AÝ/AR-na aýtmagyna görä, 25-nji iýulda janyndan geçen hüjümçi Magdançylyk ministrliginiň işgärlerini alyp barýan awtobusyň golaýynda özüni partladypdyr.

Içeri işler ministrliginiň metbugat-wekili Nasrat Rahimi pidalaryň ählisiniň döwlet işgärleridigini aýtdy.

Rahimi gündogar Kabulda ýene iki sany partlamanyň bolandygyny, şol sanda awtoulagda goýlan bombanyň partladylandygyny aýtdy.

XS
SM
MD
LG