Russiýanyň oppozisiýa lideri Alekseý Nawalny, suduň onuň tussaglyk möhletini uzaltmakdan ýüz öwüreninden soň, azatlyga goýberildi.
Nawalnynyň metbugat wekili Kira Ýarmyş özüniň Twitter hasabynda onuň 23-nji awgustda ir bilen tussaghanadan çykyp barýan suratlaryny çap etdi.
Kremliň belli tankytçysy Nawalny geçen aý, adamlary rugsat berilmedik proteste çagyrmakda aýyplanyp, 30 gün tussaglyga höküm edilipdi.
Türmede wagty Nawlany ýüzünde örgünleriň çykmagy sebäpli keselhana hem ýerleşdirilipdi. Lukmanlar munuň allergriýa reaksiýasy bolandygyny aýtdylar. Nawalnynyň käbir tarapdarlary onuň zäherlenen bolan bolmagynyň mümkindigini hem çakladylar.
Nawalnynyň saklanan türmesiniň başlygy, onuň keselhanada saklanan günleriniň öwezine, onuň tussaglyk möhletiniň uzaldylmagyny sorady. Emma, Moskwanyň sudy muny ret etdi.
Diňe ýegenleriňki däl, ýegenleriň daýysynyň döredip, saklap oturan sistemasynyň prokuraturada, polisiýada, MHM-de işleýän işgärleriniň hem açan söwda nokatlary mydama işläp dur. Diňe şolaryňky "Eldegirilmesiz", "Ýakynyna barmasyz".