Eýranyň nebit ministri Bijan Zanganeh Hytaýyň milli nebit kompaniýasynyň Eýranyň Pars aýlagyndaky ägirt uly günorta Pars tebigy gaz ýatagyny özleşdirmäge kömekleşmek boýunça 5 mlrd dollarlyk ylalaşykdan çekilendigini aýdýar.
Zanganehiň ministrligiň SHANA websaýtynda yglan eden habary Birleşen Ştatlaryň hem Eýrana, hem Hytaýa edýän ykdysady basyşlarynyň arasyna gabat geldi.
Şeýle-de bu habar sebitde Eýran bilen Britaniýanyň, Birleşen Ştatlaryň harby-deňiz güýçleriniň arasynda dörän tapgyrlaýyn gapma-garşylyklaryň yzyndan eşidildi.
Hytaýyň milli nebit kompaniýasy (CNPC), Fransiýanyň Total kompaniýasy 2018-nji ýylyň awgustynda bu taslamadan çekileli bäri, Günorta Parsyň, dünýädäki iň uly gaz ýatagynyň giňeldimegi boýunça düzülen planlarda esasy maýadar boldy.
2017-nji ýylda Eýran bilen gol çeken şertnamsayna laýyklykda, Total bu gaz ýatagyna 1 mlrd dollar maýa ýatyrmakçydy, emma Waşingtonyň basyşlary, ABŞ-nyň Tährana garşy sanksiýalarynyň gaýtadan girizilmegi bilen baglylykda, geçen ýyl bu taslamadan çykdy.
Eýran bu gaz ýatagyny Katar bilen bölüşýär.
Zanganeh 6-njy oktýabrda hytaý kompaniýasynyň ornuna Eýranyň “Petropars” firmasynyň geçip, işi dowam etdirjekdigini aýtdy.