Sepleriň elýeterliligi

Soňky habar

Eýran ýadro ylalaşygynyň şertlerinden ýene el çekjekdigini aýdýar


Eýranly hünärmenler Isfahan şäherinde urany baýlaşdyrmak boýunça işleri geçirýärler. (arhiw suraty)
Eýranly hünärmenler Isfahan şäherinde urany baýlaşdyrmak boýunça işleri geçirýärler. (arhiw suraty)

Eýran 2015-nji ýyldaky ýadro ylalaşygynyň çäklerinde öz üstüne alan borçnamalaryndan ýene-de el çekjekdigini mälim etdi.

Prezident Hassan Rohani 5-nji noýabrda çykyş edip, çarşenbe gününden başlap 1 müň 44 sentrifuga uran gazynyň goýberiljekdigini aýtdy. Bu ozal baglaşylan ylalaşygyň şertlerine garşy gelýär.

Mundan bir gün öň, Eýran ylalaşygyň çäklerinde gadagan edilen IR-6 kysymly sentrifugalary hem tas iki esse köp mukdarda ulanyp başlandygyny aýtdy.

2018-nji ýylyň maýynda prezident Donald Tramp ABŞ-ny 2015-nji ýyldaky ýadro ylalaşygyndan çykarypdy we Tährana garşy sanksiýalary ýaňadandan girizipdi.

Eýran ylalaşyga ygrarly bolup galan beýleki taraplary ABŞ-nyň sanksiýalarynyň döredýän kynçylyklarynyň öwezini dolup bilmeýändigini aýdyp, ylalaşygyň çäklerinde öz üstüne alan borçnamalaryndan el çekip başlady.

XS
SM
MD
LG