Sepleriň elýeterliligi

Soňky habar

Türkmen futbolçy zenanlary özbek zenanlaryndan 7-0 hasabynda ýeňildi


TDH häzirlikçe türkmenistanly futbolçylaryň goňşy ýurtdaky ýeňlişi barada maglumat çap etmedi.

Türkmenistanyň futbolçy zenanlary 2019-njy ýylyň CAFA U-23 Aýallar çempionatynyň oýunlarynyň çäginde, 25-nji noýabrda Özbegistanyň futbolçy zenanlaryndan 7-0 hasabynda ýeňildi.

Mundan öň, Türkmenistanyň aýallar komandasy Eýranyň toparyndan 5-0, Owganystanyň oýunçylaryndan hem 2-1 hasabynda ýeňilipdi.

CAFA Merkezi Aziýa Futbol Assosasiýasy Merkezi Aziýanyň futbol oýnaýan döwletleriniň bileleşigidir.

22-28-nji noýabr aralygynda Täjigistanyň Duşenbe we Hisor şäherlerinde geçirilýän çempionatda Owganystanyň, Eýranyň, Täjigistanyň, Gyrgyzystanyň, Türkmenistanyň we Özbegistanyň toparlary çykyş edýärler.

TDH häzirlikçe türkmenistanly futbolçylaryň goňşy ýurtdaky ýeňlişi barada maglumat çap etmedi.

Iň soňky teswirler

XS
SM
MD
LG