Owganystanyň günortasyndaky Helmand welaýatynda owgan milli goşunynyň uly derejeli serhet komandiri partlamanyň pidasy boldy.
General Zahir Gul Mokbiliň münüp barýan awtoulagy 30-njy noýabrda irden, Nawa we Marja etraplarynyň aralygynda ýol ýakasynda gömlen bombanyň üstünden bardy diýip, welaýat gubernatory Mohammad Ýasin aýtdy.
Helmand polisiýasynyň baş sözçüsi Zaman Hamdardyň aýtmagyna görä, Mokbil soňky bäş ýylda komandir boldy.
Bu hüjümde ýene iki sany howpsuzlyk ofiseri ýaralandy diýip, Helmandyň Media we jemgyýetçilik bilen gatnaşyklar edarasynyň başlygy Zahid Atal Azat Owganystan radiosyna aýtdy.
Bu partlama netijesinde ýerli Şamşad TW-siniň žurnalisti hem ýaralandy. Howpsuzlyk güýçleri bilen barýan beýleki žurnalistler, şol sanda AÝ/AR-nyň habarçysy partlamadan aman gutuldy.
“Talybanyň” sözçüsi Kari Ýusouf Ahmadi hüjümi özleriniň gurnandygyny aýtdy. Jeňçi topar Helmandyň köp bölegine kontrollyk edýär.
metbugat näme, hökümet näme, habar näme, gybat näme, propaganda näme, adamlar näme üçin hökümetini depesine çykarýar, nädip döwlet başyndakylar uly ogurlyk edýär, bu zatlary hiç zat okamýan, okan zadyna düşünmeýän, öz borjuny bilmeýän, dünýä özüne bergilidir öýdüp, başgalara gaharlanyp ýören adamlara näme düşündirip bolar?