Sepleriň elýeterliligi

Soňky habar

Moskwada ‘terror hüjüminde’ FSB-niň bir ofiseri öldürildi, bäşisi ýaralandy


FSB hüjümçiniň ýeke hereket edendigini we binanyň içine girmändigini aýtdy. 19-njy dekabr, 2019 ý.

19-njy dekabrda Moskwada Russiýanyň Federal Howpsuzlyk Gullugynyň (FSB) baş binasynyň daşynda şahsyýeti aýdyňlaşdyrylmaýan ýaraglynyň ot açmagy netijesinde Gullugyň bir işgäri öldi, başga-da bäşisi ýaralandy.

FSB hüjümçiniň ýeke hereket edendigini we binanyň içine girmändigini aýtdy.

“Näbelli şahsyýet Bolşaýa Lubýanka köçesiniň 12-nji jaýynyň golaýynda ýaragdan ot açdy. Pidalar bar. Jenaýatçy ýok edildi” diýip, FSB media serişdelerine maglumat berdi.

FSB sowet döwrüniň KGB gullugynyň esasy mirasdüşeridir.

Russiýanyň Saglyk ministrligi hadysada bäş adamyň ýaralanandygyny we olara degişli medisina kömeginiň berilýändigini aýtdy.

Internetde peýda bolan wideolarda ok atyşyk mahaly adamlaryň Lubýanka meýdançasynyň merkezinden gaçyp barýandygyny görse bolýar.

Kremliň metbugat wekili Dmitriý Peskow prezident Wladimir Putiniň hadysa barada habarly edilendigini aýtdy.

Hüjüm 20-nji dekabrda bellenilýän Russiýanyň Howpsuzlyk gulluklarynyň gününiň öňýanyna gabat geldi.

Iň soňky teswirler

Iň soňky teswirler
XS
SM
MD
LG