ABŞ-da Respublikan prezident Donald Trampyň impiçment diňlenişigi 21-nji ýanwarda Senatda dowam eder. Onuň ýekşenbe gününden gaýry, hepdäniň alty gününiň dowamynda geçirilmegine garaşylýar.
20-nji ýanwarda Trampyň aklawçylary bu iş bilen baglylykda öz belliklerini hödürlediler.
ABŞ-nyň Wekiller Öýündäki Demokratlar Trampa Ukraina bilen ilteşikli gepleşiklerinde wezipe ygtyýarlyklaryndan hyýanatçylykly peýdalanmak, şeýle-de Kongresi böwetlemek aýyplamalaryny bildirdiler.
Trampyň aklawçylarynyň hödürlän 110 sahypalyk belliklerinde prezidentiň jenaýat etmändigi nygtalýar.