Sepleriň elýeterliligi

Soňky habar
Göni efirde

Tramp G-7 toparynyň Kemp Deýwidde geçirilmeli duşuşygyny ýatyrdy, oňa derek wirtual ýygnanyşyklar planlaşdyrylýar


Prezident Donald Tramp

Prezident Donald Tramp şu ýylyň iýun aýynda ABŞ-nyň paýtagtynyň golaýyndaky Kemp Deýwidde geçirilmegi planlaşdyrylan G-7 duşuşygyny koronowirus krizisi sebäpli ýatyrdy. Oňa derek wideo şekilli maslahat geçiriler.

Ak tamyň sözçüsi Judd Deere 19-njy martda bu sammitiň, “her bir ýurduň ähli serişdesini COVID-19-yň saglyk we ykdysady synaglaryna garşy durmakda ulanmaga jemlemegini üpjün etmek üçin”, wirtual esaslarda gurnaljakdygyny aýtdy.

G-7 topary öňdebaryjy senagatlaşan ýurtlar bolan Britaniýadan, Kanadadan, Fransiýadan, Germaniýadan, Italiýadan, Ýaponiýadan we Birleşen Ştatlardan durýar. Bu ýurtlaryň ählisi global pandemiýany ýok etmek üçin tagalla edýär.

2020-nji ýylda bu topara Birleşen Ştatlar ýolbaşçylyk edýär.

Deere Trampyň 17-nji martda G-7 liderleri bilen wideo şekilli aragatnaşyk arkaly gürleşip, ýolbaşçylaryň bu wirusa we onuň dünýä ykdysadyýetine ýetirýän täsirleri bilen bagly syýasaty syýasaty utgaşdyrmak üçin her aý wirtual maslahat geçirjekdiklerini aýtdy.

Iň soňky teswirler

Iň soňky teswirler
XS
SM
MD
LG