Gazagystanda koronowirus ýokuşanlaryň sany 28-nji martda 200-den geçdi, hökümet COVID-19-yň ýaýramagynyň öňüni almak tagallalarynyň çäginde çäklendirmeleriň gerimini giňeldýär.
Ýurduň Saglyk ministrliginiň maglumatyna görä, bu kesele ýene 11 adamyň ýolugandygy hasaba alyndy we koronowirus näsaglarynyň umumy sany 204-e ýetdi.
Günorta Gazagystan we Gyzylorda regionlarynda ilkinji koronowirus hassalary hasaba alyndy.
Paýtagt Nur-Soltanda, ýurduň iň uly şäheri Almatyda köp kompaniýanyň işini togtatmagy buýruldy, 28-nji martdan başlap raýatlaryň iş, azyk we derman aladalary bolmasa, öýde oturmaklary talap edilýär.
Häkimiýetler şäherara ulag-aragatnaşyk terminallarynyň ählini ýapdylar, Gazagystanyň üçünji uly şäheri Şymkentde jemgyýetçilik ýerleri ýapyldy.
Ýurtda ilkinji koronowirus ölümi habar berildi.