Ýewropa Parlamentiniň agzalaryndan ybarat topar Ýewropa Bileleşiginiň liderlerini bileleşigiň koronawirusa garşy alyp barýan çäreleriniň ähmiýetini gaçyrmak boýunça Orsýet hem Hytaý tarapyndan alnyp barylýan dezinformasiýa kampaniýalaryna garşy çäre görmäge çagyrdylar.
39 sany kanun çykaryjynyň Ýewropa komissiýasynyň baştutany Ursula Won der Leyenyň, Ýewropa geňeşiniň prezidenti Çarles Miheliň we ÝB-niň daşary syýasat boýunça ýolbaşçysy Josep Borrelliň adyna ýollan hatynda "geosyýasy ambisiýalary ugrunda bäsleşýän ýurtlaryň häzirki krizisi gural edip ulanmagyna garşy berk hereketleri taýýarlap öňe sürmäge" çagyrylýar.
AÝ/AR-synyň gören bu haty 27-nji martda ýazylyp, onda 27 agzaly ÝB "daşary ýurtlaryň COVID-19 krizisini ÝB-ne zeper ýetirmek üçin ulanmak synanyşygyna göz ýetmeli we gowşatmaly" diýip bellenýär. Soňky günlerde koronawirusyň pandemiýasyna degişli dezinformasiýa birinji plana geçdi.