Sepleriň elýeterliligi

Soňky habar

BMG owgan bäsdeşlerini parahatçylyk üçin ‘bilelikde hereket etmäge’ çagyrýar


Owganystanyň prezidenti Aşraf Gani (çepde) we onuň syýasy bäsdeşi Abdullah Abdullah (arhiw suraty)

BMG-niň Howpsuzlyk Geňeşi Owganystandaky bäsdeş syýasatçylaryň “bilelikde hereket edip”, uzak wagtlaýyn we çykdajaly urşy togtatmaga ýardam edip biljek, “Talyban” bilen geçirilýän gepleşikleri jemlemäge çagyrdy.

BMG-niň baş sekretarynyň Owganystan boýunça ýörite wekili Ingrid Haýden 31-nji martda çykyş edip, owgan prezidenti Aşraf Ganiniň we onuň syýasy bäsdeşi Abdulla Abdullanyň ýurduň taryhyndaky bu möhüm pursatdan peýdalanmalydygyny aýtdy.

“Owganystanyň aýgytlaýjy pursada gelendigine çalym edýär. [ABŞ-nyň ýolbaşçylygyndaky] koalisiýanyň girmeginden tas ýigrimi ýyl soňra, Yslam Respublikasynyň öňünde häzir şu sorag keserip dur: Durnukly parahatçylygy ornaşdyrmak üçin liderler ‘Talyban’ bilen manyly gepleşikleri geçirer ýaly bilelikde hereket edip bilerlermi?” diýip, Haýden ýüzlendi.

“COVID-19 wirusynyň Owganystanyň halkyna, şeýle-de onuň institutlarynyň durnuklylygyna abandyrýan howpy bu baradaky kararyň ähmiýetini has-da artdyrýar” diýip, Haýden sözüne goşdy.

ABŞ-nyň Owganystan boýunça ýörite wekili Zalmaý Halilzad 29-njy fewralda Dohada “Talyban” bilen ylalaşyga gol goýdy. Waşington munuň netijesinde Owganystandaky 19 ýyllyk urşuň tamamlanmagyna we Pentagonyň esgerlerini çykaryp başlamagy üçin mümkinçiligiň döremegine umyt edýär.

Iň soňky teswirler

Iň soňky teswirler
XS
SM
MD
LG