NATO-nyň baş sekretary Jens Stoltenberg 8-nji iýunda guramany pugtalandyrmak hakynda çykyş etmegine taýýarlanýar. Bu aralykda ABŞ-nyň Ýewropadaky ýaranlary amerikan goşunlarynyň Germaniýadan çylarylmagy bilen bagly planlaryndan alada edýärler.
Şeýle-de, Stoltenbergiň Atlantik geňeşi we ABŞ-nyň Transatlantik hyzmatdaşlygy boýunça fond (German Marshall Found) tarapyndan taýýarlanan çykyşy NATO partnýorlarynyň Polşada we Baltiýa ýurtlarynda geçirýän iki sany harby türgenleşiklerine gabat gelýär.
ABŞ-nyň Germaniýadan goşun çykarmak baradaky planlary NATO-nyň käbir agzalaryny geň galdyrdy, olar bu ädimiň NATO zyýan ýetirip, Orsýet ýaly garşydaşlaryny güýçlendirjegini aýdýarlar, diýip, "The Wall Street Journal" neşiri 7-nji iýunda ýazdy. Gazetiň 5-nji iýunda habar bermegine görä, ABŞ-nyň prezidenti Donald Tramp ýurduň 9 500 harbysyny çykarmagy göz öňünde tutýar.