Russiýanyň prezidenti Wladimir Putin ýokary gazançly raýatlara salynýan girdeji salgydyny artdyrmagy teklip etdi. Ol muny 23-nji iýunda, koronawirus pandemiýasynyň ykdysadyýete ýetiren täsirlerine garşy göreş çärelerini yglan etmeginiň çäginde hödürledi. Bellesek, ýene-de bir hepdeden Putiniň 2036-njy ýyla çenli häkimiýetde galmagyna mümkinçilik berjek dawaly konstitusion üýtgeşmeleri boýunça milli ses berilişik geçirilmeli.
Putin 2021-nji ýylyň 1-nji ýanwaryndan başlap ýyllyk şahsy gazanjy 5 million rubldan ($72,700) geçýän raýatlaryň girdeji salgydyny 2% artdyryp, 15% çäginde kesgitlemegi teklip etdi.
Putiniň sözlerine görä, bu döwlet gaznasyna goşmaça 60 milliard rubl ($864,6 million) möçberinde maliýe serişdesini getirer. Putin bu serişdeleriň “agyr we seýrek kesellerden” ejir çekýän çagalara bejergi bermek üçin ulanylyp bilinjekdigini hem aýtdy.
Häzirki 13% girdeji salgydy Putin tarapyndan 2001-nji ýylda, özüniň ilkinji prezidentlik möhletinde girizilipdi.
Putin koronawirus pandemiýasy döwri çagaly maşgalalar we ilatyň beýleki gatlaklary üçin hödürlenen subsidiýalaryň möhletiniň hem uzaldyljakdygyna söz berdi.
Bolan zatlaryn ahlisi cyn, haknazar kop gunani oz surujising ussune yuklejek bolan, we 100% howpsuzlyk gulluklary tarapyndan gynalan, we meselani oz ustlerinden ayyrmak ucin koca taslanan, oyundaliler prokratura jayny daslap biraz gozgalan cykaran , yone ahyrda etjek isin yok, yas oglan oldi! Guna nazardada bar , durdylyyevdada, yone has uly is eden howpsuzlyk gulluklary