Eýranyň resmileri 2-nji awgustda tassyklanan koronawirus infeksiýaly ýagdaýlaryň soňky bir aýyň içinde iň ýokary bolandygyny aýtdy.
Geçen ýylyň ahyrynda Hytaýyň merkezinde ýüze çykan COVID-19 keselinden Ýakyn Gündogarda iň erbet ýagdaýa uçran Eýran Kum şäherinden tapylyp, soň ýurduň beýleki ýerlerine ýaýrap başlan wirusy saklamagy başarypdy.
AFP agentligi Eýranyň Saglygy saklaýyş ministrliginiň metbugat sekretary Sima Sadat Lariniň sözlerine salgylanyp, soňky 24 sagadyň dowamynda ýurtda 2685 adamda wirusyň tapylandygyny habar berdi. Bu 8-nji iýuldan bäri iň ýokary sandyr. Bu epidemiologiki ýagdaý Eýranyň 31 welaýatynyň 25-sinde degişli.
Eýranda koronawirus anyklanan 306 000-den gowrak adam hasaba alynyp, dünýäde dokuzynjy ýerde durýar.
COVID-19 keseli 17 000 töweregi eýranlynyň ölümine sebäp boldy. Eýran COVID-19 keselinden ölenleriň sany boýunça dünýäde 10-njy ýerde durýar.
metbugat näme, hökümet näme, habar näme, gybat näme, propaganda näme, adamlar näme üçin hökümetini depesine çykarýar, nädip döwlet başyndakylar uly ogurlyk edýär, bu zatlary hiç zat okamýan, okan zadyna düşünmeýän, öz borjuny bilmeýän, dünýä özüne bergilidir öýdüp, başgalara gaharlanyp ýören adamlara näme düşündirip bolar?