15-nji noýabrda bosniýalylar ýurduň býujet krizisi sebäpli yza süýşürilen ýerli saýlawlarda ses berýärler.
3,4 milliona golaý saýlawçynyň ýurduň iki awtonom sebitinde - Bosniýa-Horwat federasiýasynda we Srpska respublikasynda, şeýle-de bitarap Brsko etrabynda şäher we munisipal geňeşlerini hem-de häkimlerini saýlamak boýunça geçirilýän saýlawlarda ses bermäge hukugy bar.
Saýlawlar ýerli wagt bilen sagat 07:00-de açyldy we 19:00-da ýapylar. Deslapky netijeleriň ýary gije yglan edilmegine garaşylýar.
Saýlaw uçastoklaryna baran saýlawçylar dowam edýän koronawirus pandemiýasy sebäpli berk fiziki aralygy saklamak düzgünlerini berjaý etmeli boldular.
Ilkibaşda saýlawlary 4-nji oktýabrda geçirmek meýilleşdirilýärdi. Emma hökümetiň milli býujeti kabul etmekde, şol sanda saýlawlary maliýeleşdirmekde gijä galmagy, saýlawlaryň yza süýşürilmegine sebäp boldy.