Sepleriň elýeterliligi

Soňky habar
Göni efirde

Polisiýa "rugsatsyz" protestlere garşy durup, Nawalnynyň egindeşlerini tussag etdi


Polisiýa Alekseý Nawalnynyň kömekçisini tussag edýär. Moskwa, 27-nji ýanwar, 2021

Rus häkimiýetleri kreml tankytçysynyň ýanalmagyna garşy tutuş ýurt boýunça geçirilen demonstrasiýalaryň tapgyr ikinji dynç gününde hem dowam etdirilmeginiň öňüni almaga synanyşyp, tussag edilen oppozisiýa lideri Alekseý Nawalnynyň doganyny we birnäçe ýaranyny iki aý öý tussaglygyna höküm etdi.

Nawalnynyň egindeşlerine garşy 29-njy ýanwarda görlen iň soňky çäre Moskwa polisiýasynyň “rugsat berilmedik”, diýmek, kanun tarapyndan jezalandyrylmaly demonstrasiýalaryň öňüni almaga taýýarlanyp, paýtagtdaky hereketi çäklendirmek üçin merkezi metro stansiýalarynyň ýedisini ýapmak planyny yglan eden wagtyna gabar geldi.

Nawalnynyň egindeşleri geçen hepdäniň ahyrynda oppozisiýa lideriniň boşadylmagyny talap edip, onlarça şäherde protest ýörişini geçirdi. Olar 31-nji ýanwarda hem tutuş ýurt boýunça protest ýörişlerini geçirmegi planlaşdyrýar.

Polisiýa geçen hepde bolan demonstrasiýalarda 4000 töweregi adamy tussag etdi.

29-njy ýanwarda Moskwada Alekseýiň dogany Oleg Nawalny, Nawalnynyň Korrupsiýa garşy gaznasynyň (FBK) aklawçysy Lýubow Sobol we Nawalnynyň Moskwa merkeziniň koordinatory Oleg Stepanow 23-nji marta çenli öý tussaglygynda oturmaly edildi.

"Pussy Riot" protest toparynyň agzasy Mariýa Alýohina we Lukmanlar bileleşiginiň kärdeşler arkalaşygynyň başlygy Anastasiýa Wasilýewa hem iki aý öý tussaglygynda höküm edildi.

Olar köpçülikleýin protestlere çagyryş edip, koronawirus pandemiýasy sebäpli girizilen çäklendirmeleri bozmakda aýyplandy.

Iň soňky teswirler

Iň soňky teswirler
XS
SM
MD
LG