Moskwanyň kazyýeti oppozisiýa syýasatçysy Alekseý Nawalnynyň ogurlykda aýyplanmagy bilen baglanyşykly türme tussaglygyny tassyklady, ýöne onuň tussagda oturan möhletini göz öňünde tutup, jezany 50 gün töweregi azaltdy.
Nawalnyý 20-nji fewralda 2014-nji ýyldaky ogurlyk işi esasynda şu aýyň başynda çykarylan hökümden şikaýat etmek üçin kazyýete getirildi. Meşhur korrupsiýa garşy aktiwist we Kreml tankytçysy, II jahan urşunyň weteranyna töhmet atmak aýyplamalary esasynda, şu günüň özünde biraz soň ikinji diňlenişige getirilmeli edildi.
Nawalnynyň şikaýat diňlenişiginde prokuratura kazyýete 2014-nji ýyldaky şertli hökümi hakyky türme möhletine öwürmek kararynyň kanunydygyny öňe sürüp, 2-nji fewraldaky hökümini saklamaga çagyrdy.
Tussaglykda geçirilen wagt göz öňünde tutulyp, 3,5 ýyl azatlykdan mahrum etmek kararynyň galan möhleti şu aýyň başynda iki ýyl sekiz aý diýlip kesgitlenildi.
"Moskwa şäher kazyýetiniň şu günki kararyny nazara alsak, Nawalny iki ýyl alty aý tussagda bolmaly" diýip, Nawalynyň aklawçysy Wadim Kobzew 20-nji fewraldaky sud kararyndan soň aýtdy.
Nawalny Moskwa şäher kazyýetiniň mejlisiniň geçirilen ýeri bolan Babuşkinskiý etrap kazyýetinde aýna kapasadan çykyş edip, kazyýete indi özüni azatlyga goýberse gowy boljakdygyny aýtdy. Şeýle-de ol Ýewropanyň Adam Hukuklary Kazyýetiniň Russiýadan özüniň boşadylmagyny talap eden kararyndan habarlydygyny aýtdy.